Die spelolimpiade word in 2012 vir die vierde keer gehou. Dit bied aan leerders nog ‘n geleentheid om op akademiese gebied te presteer en te verbeter.
DOEL: Aangesien ons jong geslag se spelvaardighede die afgelope dekade of twee drasties agteruit gegaan het as gevolg van onder andere sms-taal en die feit dat hulle al hoe meer tyd voor die TV en rekenaar deurbring, het die skool dit goed gedink om leerders se spelvaardighede in beide Engels en Afrikaans deur die spelkompetisie te probeer verbeter. Sodoende word hulle uitslae in die tale verbeter en boonop word hul gereedheid vir die wêreld van werk verhoog.
WERKSWYSE:
Leerders ontvang aan die begin van die akademiese jaar ‘n lys met die woorde wat dikwels verkeerd gespel word. Taalonderwysers begelei leerders om die woorde te leer.
Teen die einde van die tweede termyn word alle leerders in albei tale getoets tydens die eerste rondte van die spelolimpiade. Alle leerders wat in die rondte kwalifiseer deur 80% en meer te behaal, gaan deur na die finale rondte wat aan die einde van die derde termyn geskryf word.
Na die finale rondte word ‘n graadwenner in elke taal asook ‘n algehele junior (grade 8 & 9) en algehele senior wenner (grade 10-12) aangewys. Die leerders ontvang dan almal toekennings en pryse by die onderskeie prysuitdelings.
Die datum van die eerste rondte is Donderdag, 17 Mei 2012. Die volledige lys woorde word dan reeds getoets.
Opvoeders verantwoordelik: N Zandberg (Engels) en H Nel (Afrikaans)
