Dit was voorwaar ‘n geskiedkundige oomblik! Na baie jare se droom en maande se beplanning het die groot dag aangebreek! Outeniqua Hoërskool kry ‘n astrohokkiebaan! Dr. JS de la Bat (Voorsitter van die Astro-ouerkomitee) het almal betrokke by die beplanning bedank, waarna mnr. Vorster (links) amptelik die bou van die astrohokkiebaan aangekondig het.
Adriaan Louw het die laaste taptoe gespeel, terwyl mnr. Vorster die eerste sooi vir die nuwe astrohokkiebaan met ‘n laaigraag uitgespit het. Daarna het mnr. Johan Venter, Voorsitter van die Beheerliggaam, die tweede sooi gespit. Leerders van Outeniqua het met trots toegekyk (onder). Grondwerke vir die nuwe astro begin 22 Augustus 2011. Die hokkieleerders en –afrigters glo dat die astrobaan Kwaggahokkie een trappie hoër sal neem en sien uit na ‘n groot hokkiejaar in 2012.
Adriaan Louw speel die laaste taptoe vir die grashokkieveld.
Mnr. Vorster beweeg in met die laaigraaf om die eerste sooi vir die astrobaan te spit.
Mnr. Johan Venter (Voorsitter van die Beheerliggaam) en Mnr. Christo Vorster (skoolhoof) skud hand op die vooruitsig dat Kwaggas op Kwaggadag 2013 Struisies op die astrobaan gaan aanvat.
