Hokkie

KWAGGA 100 RUN

Op Vrydag, 15 September was dit die Hoërskool Outeniqua se stigtingsdag. Ons het dit voluit gevier met ‘n historiese padwedloop tesame met die SWD 10km kampioenskappe. Daar was ook ‘n 5km prethardloop/stap waar baie van ons leerders, ouers en personeel deelgeneem het. Ons is baie dankbaar vir die ondersteuning van ons hoofborg, Top Gear Sport, wat al vir baie jare die Kwagga-gemeenskap se hande in sport vat.

Kwaggas se muurbalspelers speel toernooi op Oakdale

Twaalf van Kwaggas se muurbalspelers het die afgelope naweek aan ‘n individuele toernooi op Oakdale deelgeneem. Skole wat deelgeneem het, is Oakdale, Paul Roos, York High en Outeniqua. Ons is baie trots op baie mooi gedrag en sportmangees.

WENNERS van die SWD o. 15

Die o.15A krieketspan het geseëvier as die WENNERS van die SWD o. 15 Super Liga Hulle eindig ook die seisoen onoorwonne af! Baie geluk Kwaggas, ons is baie trots op julle

HIGHGATE TWEEKAMP SUKSESVOL….

Die 31ste HIGHGATE Interprovinsiale Tweekamp is tenspyte van ESKOM se uitdagings, baie suksesvol aangebied. Meer as 550 atlete van 7 provinsies het in Klein Karoo hitte deelgeneem en puik presteer. Kwaggas het vir tweede jaar in n ry die Hisense Trofee 🏆 vir Top Hoërskool (met meeste punte) 2de – Durbanville 3de – Framesby

𝙆𝙒𝘼𝙂𝙂𝘼𝙎 𝙊𝙊𝙍𝙃𝙀𝙀𝙍𝙎 ♥𝙇𝙊𝙊𝙋 𝘽𝙔𝙀𝙀𝙉𝙆𝙊𝙈𝙎!!

Kwaggas verower 74 GOUE MEDALJES Die naaste skool het 18 goue medaljes verower. Die Kwaggas het ver 9 van die 10 trofeë gewen … wat ‘n WONDERLIKE prestasie! Daar is altesaam 27 rekords by die byeenkoms gebreek waarvan die Kwaggas 22 rekords gebreek het Die naaswenner skool het 243 punte aangeteken op al die items van die dag. Hoërskool Outeniqua wen die byeenkoms en teken bykans helfte meer punte as die naaswenner aan met ‘n totaal van 456 punte

𝘊𝘈𝘗𝘌 𝘛𝘖𝘞𝘕 𝘐𝘕𝘛𝘌𝘙𝘕𝘈𝘛𝘐𝘖𝘕𝘈𝘓 𝘏𝘖𝘊𝘒𝘌𝘠 𝘛𝘖𝘜𝘙𝘕𝘈𝘔𝘌𝘕𝘛 2022

Ons 1ste Hokkiespanne het verlede week aan die Cape Town International Hockey Tournament deelgeneem Met n groot geveg het die dogters die top 8 en kwartfinaal met 1 punt gemis. Hulle speel toe in die plaat Semi-finaal teen Curro Durbanvile in ‘n naelbyt wedstryd waar hulle die wedstryd wen nadat hulle 1-0 agter was. Ongelukkig buig hulle die knie teen Fairmont en verloor die Plaat Finaal 3-0. Hulle eindig 10de uit 24 spanne in die toernooi. Die seuns het stadig begin maar deur die loop van die toernooi net van krag na krag gegroei. Die hoogte punt is die ongelooflike oorwinning teen Fairmont. Die seuns speel op die einde vir skild finaal waar hulle Uplands gewen het. Hulle eindig 17de uit 24 spanne in die toernooi. Baie geluk aan hierdie 2 spanne wat so goed gevaar het en hulle #kwaggatrots & #kwaggakarakter regdeur hierdie toernooi gewys het.

Hoërskool Outeniqua is baie trots op sy vyf SA Skole Rugbyspelers

Hoërskool Outeniqua is baie trots op sy vyf SA Skole Rugbyspelers wat aangekondig is na afloop van die onlangse Cravenweek in Kaapstad! Hierdie prestasie is uitsonderlik en kan toegeskryf word aan klipharde en toegewyde oefeninge sedert 2021. Danksy uitstekende fasilieite en afrigters by Outeniqua, word seuns die geleentheid gebied om hul maksimum potensiaal te bereik. Al vyf van hulle beleef ook ‘n uitstekende seisoen vir die eerste rugbyspan van Kwaggas. Onder leiding van hul afrigters, Abré Minnie, Henry Grimes, Heinrich du Plessis, Jandre Blom en Ian Hattingh is die eerste span tans ook onder die Top 10 rugbyskole in SA gelys.

Unisa-musiekprestasies

Baie geluk aan die volgende musiekleerders wat uitstekend in hul Unisa Gr.5 Teorieeksamens presteer het: 𝐯.𝐥.𝐧.𝐫. Madri Strydom (92%) Kristin Swart (95%) Megan de Wet (88%) Nicklen Gelderbloem (93%) Hierdie is ‘n merkwaardige prestasie, aangesien Unisa Teorie Gr.5 ‘n vereiste vir verdere na-skoolse studies in musiek is.

ATKV – Redenaarskompetisie

Baie geluk aan Thomas Smook in gr 9 wat na die landswye finaal van die ATKV se redenaarskompetisie deurgedring het. Dit vind op 17 Augustus in Rustenburg plaas