Hoërskool Outeniqua bied leerders ‘n wye keuse van sportsoorte om aan deel te neem.
Afgesien van die akademie, is dit ook ‘n gebied waarop Kwaggas voortdurend presteer en hul skool se naam hoog hou!
Ons skool het al talle groot sportmanne en -vroue opgelewer en is trots op elke een van hulle wat die hoogste sport bereik het, d.m.v. toeweiding en deursettingsvermoë.
Die Hoërskool Outeniqua is in 1923 gestig, aan die voet van die trotse Outeniquaberge. Die roemryke skool bied ‘n gebalanseerde opvoeding aan elkeen van sy meer as 1600 leerders. Die volgende waardes moet in die saal, in die klas, op die sportveld en op die kultuurakker beskerm en gekweek word en deur opvoeders voorgeleef word: integriteit, lojaliteit, respek, eerlikheid, diensbaarheid, vriendelikheid en betroubaarheid.
