Kwaggakrieket 2024
Na die afloop van ʼn suksesvolle winterprogram het die 23/24 krieketseisoen in September begin. Die seisoen het gehardloop vanaf September 2023 tot Maart 2024. Outeniqua Hoërskool het ʼn wonderlike seisoen gehad met al vier hulle spanne wat besonderse sukses behaal het.
o/15 B
Die o/15 B-span het die seisoen begin deur aan die o/15 Kwagga Krieketweek deel te neem maar na slegs twee wedstryde in die toernooi het die res van die toernooi uitgereën.
Die o/15 B-span het hierdie seisoen ook in die Garden Route Badgers o/15 Super Liga gespeel en aan die einde van die seisoen bo aan die punte leër geëindig. Hulle het 11 wedstryde gespeel waarvan hulle 9 gewen het teen skole in die area se A-spanne, 1 verloor teen Outeniqua se o/15A span en 1 wedstryd het uitgereën. Ons doelwit vir volgende seisoen is om in die top 8 te eindig by die o/15 Kwagga Krieketweek asook om die Garden Route Badgers o/15 Super Liga te wen.
Ons wil baie dankie sê aan Mnr. Fouche en Mnr. Gibson vir hulle tyd en kennis wat hulle aan die seuns oorgedra het.
o/19 B
Die o/19 B-span het die seisoen afgeskop deur vir die eerste keer ooit aan die o/19 Punt Krieketfees deel te neem in die September-vakansie. Die toernooi het die spelers goeie blootstelling gegee om teen ander skole se 1ste spanne te speel en dit het hulle gehelp om voor te berei vir die ligawedstryde.
Die o/19 B-span het hierdie seisoen in die Garden Route Badgers o/19 Super Liga gespeel. Ons het 10 wedstryde gespeel waarvan ons 4 gewen het, 4 verloor het en 2 wedstryde het uitgereën. Ons het 6de uit 11 spanne op die punte leër geëindig.
Ons doelwit vir volgende seisoen is om twee uit die drie wedstryde by die o/19 Punt Krieketfees te wen. Ons wil ook in die top 4 eindig in die Garden Route Badgers o/19 Super Liga.
Ons wil baie dankie sê vir Mnr. Nelson en Mnr. Slabert wat hulle tyd opgeoffer het om hierdie span af te rig.
o/15 A
Die o/15 A-span in die September-vakansie met hulle seisoen begin deur in die o/15 Kwagga Krieketweek te speel. Hulle het 2 wedstryde teen HS Punt en Brackenfell HS gespeel en albei wedstryde gewen. Die res van die toernooi se wedstryde het uitgereën.
Hierdie span was weereens soos laas seisoen onoorwonne in die Garden Route Badgers o/15 Super Liga maar weens vier wedstryde wat uitgereën het hierdie seisoen het hulle tweede op die punte leër geëindig agter die o/15B span. Ons het 11 wedstryde gespeel waarvan ons 7 gewen het, geen wedstryde verloor het en 4 wedstryde uitgereën het.
Die o/15 A-span het ook in die Januarie vakansie aan Paarl Boys High se o/15 kriekettoernooi deelgeneem en het 3 van hulle 4 wedstryde gewen.
Ons doelwit vir volgende seisoen is om die o/15 Kwagga Kriekettoernooi te wen en om meer kompeterende krieket in die liga te speel.
Kolwers wat uitgestaan het die seisoen is:
- Adrian Cronje met 302 lopies met ʼn gemiddeld van 37,75
- Daniel du Preez met 271 lopies met ʼn gemiddeld van 33,87
- Hanno Swart met 237 lopies met ʼn gemiddeld van 59,25
- Idan Balzun met 220 lopies met ʼn gemiddeld van 44
Boulers wat uitgestaan het die seisoen is:
- Liam Haasbroek met 18 paaltjies teen ʼn gemiddeld van 7,05
- Dian Meyer met 15 paaltjies teen ʼn gemiddeld van 1,53
Hoogtepunte vir die seisoen is as volg:
- Hanno Swart se 105* teen Curro Durbanville o/15A
- Liam Haasbroek se 5 paaltjies vir 10 lopies in 3 beurte teen Curro Durbanville o/15A
- Liam Haasbroek se 5 paaltjies vir 14 lopies in 4 beurte teen HS Oudtshoorn o/15A
- Devon van der Heever se 5 paaltjies vir 13 lopies in 6 beurte teen Langenhoven Gimnasium o/15A
- Dian Meyer se 5 paaltjies vir 10 lopies in 5 beurte teen Bridgton HUB o/15
- Idan Balzun se 133 lopies teen Glenwood House o/15A
Ons wil baie dankie sê vir Mnr. van der Merwe vir sy tyd en ook die manier hoe hy hierdie span die seisoen afgerig het.
o/19 A
Die o/19 A-span het die seisoen begin deur twee opwarmingswedstryde teen York High en Glenwood House te speel ter voorbereiding vir die Cape Schools krieketweek wat in die September vakansie plaasgevind het. Dit is die eerste keer ooit dat Outeniqua se 1ste Krieketspan genooi is na die Cape Schools toernooi. Ons het vier wedstryde in die toernooi gespeel teen Paarl Gimnasium, Somerset College, Wynberg en SACS. Dit was vir die 1ste span ‘n baie goeie leerskool en ons het baie positiewe lesse geleer wat ons later in die seisoen toegepas het.
Ons het nog in twee ander toernooie die seisoen gespeel naamlik die Paarl Boys High Krieketfees in die Januarie-vakansie asook in Somerset College se T20 dag. Ons het 3 uit 4 wedstryde by Paarl Boys High se krieketfees gewen en een wedstryd gelykop gespeel.
In die Garden Route Badgers o/19 Super Liga was Outeniqua se 1ste span onoorwonne vir die seisoen. Ons het ʼn hele paar spelers wat puik prestasies deur die seisoen behaal het.
Outeniqua se 1ste krieketspan het volgens SA School Sports se ranglys 27ste in die land geëindig aan die einde van die seisoen.
Ons doelwit vir volgende seisoen is as volg: Ons wil in die Top 20 van die land eindig en ons wil 80% van al ons wedstryde wen.
Kolwers wat uitgestaan het die seisoen is:
- Stefan May met 759 lopies met ‘n gemiddeld van 47,43
- Joof Enslin met 674 lopies met ‘n gemiddeld van 32,09
- Daniel du Plessis met 567 lopies met ʼn gemiddeld van 25,77
- Trent Huisamen met 448 lopies met ʼn gemiddeld van 26,35
Boulers wat uitgestaan het die seisoen is:
- Trent Huisamen met 36 paaltjies teen ʼn gemiddeld van 14,61
- Danie Venter met 27 paaltjies teen ʼn gemiddeld van 15,55
- Nathan Best met 20 paaltjies teen ʼn gemiddeld van 27,95
- Stefan May met 19 paaltjies teen ʼn gemiddeld van 22
Hoogtepunte vir die seisoen is as volg:
- Stefan May se 5 paaltjies vir 7 lopies in 4 beurte teen Somerset College o/19A
- Joof Enslin se 224* teen D’Almeida HUB o/19
- Danie Venter se 5 paaltjies vir 12 lopies in 5 beurte teen Langenhoven Gimnasium o/19A
- Trent Huisamen se 5 paaltjies vir 28 lopies in 9 beurte teen Bellville HS o/19A
- Wernich Cassel se 5 paaltjies vir 31 lopies in 9 beurte teen Glenwood House o/19A
Ons wil baie dankie sê aan Mnr. Andrianatos en Mnr. Steyn vir al die harde werk en tyd wat hulle ingesit het om hierdie span af te rig.
Garden Route Badgers Krieket
Die volgende spelers is gekies vir die Garden Route Badgers in hulle verskeie ouderdomsgroepe om aan nasionale toernooie deel te neem.
o/19 seuns:
- Stefan May
- Charl Marias
0/16 seuns:
- Joof Enslin
- Trent Huisamen
- Danie Venter
- Daniel du Plessis
o/19 dogters:
- Mariana Breedt
- Johanelle Kotze
o/16 dogters:
- Kiani Louw (Nie-reisende reserwe)
Provinsiale prestasies tydens die seisoen
- Charl Marais se gekies vir die Southern Superstars om in 2024 se CSA Cubs Week te speel.
- Trent Huisamen is gekies as die mees veelsydige o/16 speler na die afloop van die o/16 Nasionale week
- Joof Enslin is gekies as die beste o/16 kolwer na die afloop van die o/16 Nasionale week.
- Stefan May, Joof Enslin en Trent Huisamen is gekies om tydens die seisoen vir die Garden Route Badgers Akademiespan te speel.
- Stefan May, Joof Enslin en Trent Huisamen is gekies om tydens die seisoen vir die Garden Route Badgers Colts te speel in die CSA Colts wedstryde.
- Mariana Breedt is gekies om vir die Garden Route Badgers Senior Vroue span tydens die seisoen te speel.
Kwagga o/15 T20-toernooi 2024
Ons bied weer die jaarlikse o/15 T20 toernooi aan vanaf 25 tot 28 September 2024. 16 spanne vanuit die Suidkaap, Oos-Kaap en Wes-Kaap neem deel aan die toernooi.
o/19 Puntfees 2024
Ons o/19B span gaan vanaf 21 – 24 September 2024 deelneem aan die fees. Twee 50 boulbeurt wedstryde en een T20 wedstryd gaan gespeel word.
Afrigters:
0/19 A – M. Andrianatos & D. Steyn
0/19 B – C. Nelson & N. Slabert
0/15 A – J. van der Merwe
0/15 B – D. Fouche & N. Gibson
0/15 C – K. Vieira & D. Fouche
Oefentye:
0/19 A: 15:00-17:00 Maandag – Donderdag
0/19 B: 15:00-16:30 Maandag, Dinsdag, Donderdag
0/15 A: 15:00-16:30 Maandag, Dinsdag, Donderdag
0/15 B – 15:00-16:30 Maandag, Dinsdag, Donderdag
0/15 C – 15:00-16:30 Maandag, Dinsdag, Donderdag